Prezidata de ŝtata konsilisto kaj ministro pri eksterlandaj aferoj Wang Yi, la evento estis unue proponita de prezidanto Xi kiel parto de amaso da mezuroj por subteni tutmondan solidarecon kontraŭ la pandemio ĉe la Tutmonda Sanpintkunveno la 21-an de majo. La kunveno kunigis ministrojn pri eksterlandaj aferoj aŭ oficistojn respondecajn pri vakcina kunlaboro el diversaj landoj, reprezentantojn de internaciaj organizaĵoj, inkluzive de Unuiĝintaj Nacioj, kaj ankaŭ koncernajn kompaniojn, provizante al ili platformon por plifortigi interŝanĝojn pri vakcina provizado kaj distribuado. Kiam la publikigo de sia Statistika Revuo pri Monda Komerco de 2021 la 30-an de julio, la Monda Organizaĵo pri Komerco avertis, ke la komerco de varoj ŝrumpis je 8 procentoj lastjare pro la efiko de la COVID-19-pandemio kaj la komerco de servoj ŝrumpis je 21 procentoj. Ilia resaniĝo dependas de la rapida kaj justa distribuado de COVID-19-vakcinoj. Kaj merkrede, la Monda Organizaĵo pri Sano alvokis la riĉajn landojn haltigi siajn kampanjojn de plifortigaj injektoj, por ke pli da vakcinoj povu atingi la malpli evoluintajn landojn. Laŭ la Monda Organizaĵo pri Sano, la malriĉaj landoj povis administri nur 1,5 dozojn por po 100 homoj pro sia manko de vakcinoj. Estas pli ol abomeninde, ke iuj riĉaj landoj preferus, ke milionoj da dozoj de vakcinoj eksvalidiĝu en stokejoj ol provizi ilin por la bezonuloj en pli malriĉaj landoj. Tamen, la forumo instigis la evolulandojn al pli bona aliro al la vakcinoj, ĉar ĝi donis al la partoprenantaj landoj kaj internaciaj organizaĵoj la ŝancon rekte komuniki kun la ĉefaj ĉinaj vakcinproduktantoj - kies jara produktokapacito atingis 5 miliardojn da dozoj - ne nur pri rekta liverado de la vakcinoj, sed ankaŭ pri ebla kunlaboro por ilia loka produktado. Tia konciza kunveno kun siaj praktikaj rezultoj akre kontrastas al la diskutoj, kiujn iuj riĉaj landoj gastigis pri aliro al vakcino por evolulandoj. Rigardante la mondon kiel komunumon kun komuna estonteco, Ĉinio ĉiam pledis por reciproka helpo kaj internacia solidareco por trakti la publiksanan krizon. Tial ĝi faras ĉion eblan por helpi la malpli evoluintajn landojn batali kontraŭ la viruso.
